Ita Hotu nia Kolaborasaun bele Prevene Covid-19 iha ita nia Familia, ita nia Environment no ita nia Nasaun

Ita hotu nia kolaborasaun bele prevene Covid-19 iha ita nia familia, Environment no ita nia Nasaun

Covid-19 sai ameasa global iha mundu tomak, lori tristeza boot ba mundu tomak 😷, halo ema hotu paniku, mundu tomak tanis no halerik 😷, tamba la iha dalan atu avoid husi covid-19. Preokupasaun, duvidas, perguntas oioin mosu iha hanoin, sinal saida mak ne’e? situasaun ida ne’e difisil tebes atu hasoru maibe la iha dalan seluk, ita tenki kolabora hamutuk hodi bele halo prevensaun ba disease ida ne’e. Tamba la iha dalan seluk except prevensaun, no prevensaun sei la iha solusaun bainhira ema hotu halo tuir ida-idak nia hakarak no lakoi kolabora hamutuk.

    Ø   Oinsa Atu Prevene Covid-19?

-          Hatoman an atu pratika lalaok sira ne’ebe fo sai ona husi Ministeriu da Saude no Organizasaun da Saude Mundial hanesan:

1.     Fase liman hela deit depois de kaer buat ruma (fase liman ho sabaun mais ou menus 20 segundus pois fase mos ho bee ne’ebe mos).

2.      Taka ibun no inus ho tisu ou liman sikun bainhira fani no mear.

3.    Evita touching face hanesan matan, inus no ibun, tamba matan, inus no ibun hanesan dalan ne’ebe fasil liu atu virus tama ba isin lolon.

4.  Evita halo komunikasaun ho ema seluk ho distansia ne’ebe besik (karik halo komunikasaun ho ema seluk fo distansia mais ou menus 1 meter). Tamba virus ne’e daet husi ema ida ba ema seluk liu husi distansia komunikasaun ne’ebe besik, besik ema ne’ebe mear ou fani, se kuandu ema ne’e iha ona symptomas Covid-19.

5.      Halo self isolate iha uma bainhira iha ona ordem husi estadu. Self isolate importante atu prevene an husi Covid-19, tamba nia bele daet ba ita bainhira ita halo movimentu iha fatin publiku sira ne’ebe rame. Siapa tau ita hasoru ema afetadu ruma iha fatin sira hanesan ne’e, no ita la sadar nia bele daet ba ita.

6.      Uja masker 😷bainhira sai ba fatin ruma (necessidade emerjensia ruma ne’ebe presija tebes atu sai). 💪💪💪

     Ø  Enkoraja 💪💗

Ba maluk sira ne’ebe senti “mear maran, isin manas, inus been, no kelelahan” (WHO). Keta tauk no paniku uluk maibe tenki ba lalais Sentru Saude hodi bele hetan tratamentu ou prevensaun ba symptomas refere.

    Ø  Oinsa Atu Kolabora Hamutuk?

Bainhira ema hotu iha konsensia no komprensaun hodi pratika maneira de prevensaun ne’ebe fo sai husi Ministeriu da Saude no Organizasaun da Saude Mundial hanesan iha etapa-etapa leten ne’e, signifika ema hotu iha konsiensia hodi kolabora hamutuk hodi halo prevensaun ba Covid-19 iha ita nia familia, environment no ita nia nasaun. 💪

   Ø  Ba Maluk sira ne’ebe Gosta Kumpul-Kumpul hodi Dada Lia

Maluk sira bainhira ordem husi estadu tun ona hanesan, eskola sira ferias ou labele ba eskola, no self isolate, koko atu halo tuir no kolabora. Ba provizoriu soe tiha lai toman at sira ne’ebe gosta tur grupu-grupu sira ne’e, tamba situasaun ida ne’e perigu tebes ba ita hotu atu kuidadu an. Se ulun toos, lakoi halo tuir no kolabora signifika ita boot  rasik hakarak atu ba uluk mundu seluk (mate), maski dala barak ema koalia dehan mate iha Maromak nia liman laos iha Covid-19 nia liman, maibe hau hateten liafuan ne’e sei sai sia-sia deit bainhira ulun toos. Ne’e duni keta ulun toos demais maibe koko pratika maneira de prevensaun sira ne’e, keta hatudu brani demais. Tamba situasaun ida ne’e situasaun ida ne’ebe perigozu tebes. 👏

Maluk sira mai ita hamutuk luta hasoru covid-19, liu husi pratika maneira de prevensaun. Ita  hotu nia kolaborasau bele prevent Covid-19 iha ita nia familia, sociedade no nasaun. God the Almighty Save us. 👏👏👏

👏Keta haluha share tutan ba maluk sira, no fo mos ita boot sira nia komentariu, opinion ou koriji liafuan ruma nebe ladun relavante tamba nudar humanu nebe la sees husi sala sempre iha erru oioin. Nee duni ho haraik an no agradese ba maluk sira nia koreksaun, no hadia hanoin hirak ne'e hodi ita hamutuk luta hasoru Covid-19 liu husi dalan prevensaun.💪💪💓

By: Eurosia G. Pereira

Level: Access Academi